सूचना
चुमनुव्री गाउँपालिकाकाे खानेपानी, सरसफाइ तथा स्वच्छता गुरूयाेजना ( Chumnubri Rural Municipality WASH Masterplan )
विगतका केही दशकमा नेपालका ग्रामिण क्षेत्रका खानेपानी र सरसफाईको क्षेत्रमा उल्लेखनीय प्रगति भएको छ तर २०७२ सालको भूकम्प र त्यसपछि गएका पराकम्पहरूका कारण गोरखा लगायत अन्य केही जिल्लाहरुका जनजीवन तथा आर्थिक अवस्थामा ठूलो प्रभाव पर्नुका साथै खानेपानी, सरसफाई तथा स्वच्छताको पुर्वाधारमा पनि उल्लेखनीय क्षति भएको थियो । विभिन्न सरकारी तथा गैरसरकारी संस्थाहरूले यी जिल्लाहरूमा भूकम्प प्रभावित बासिन्दालाई पुर्नःवास र पुनःनिर्माण गतिविधी मार्फत सहयोग पुर्याईरहेको सन्दर्भमा खानेपानी, सरसफाई तथा स्वच्छताको पुर्वाधारमा टेवा पुर्याउने लक्ष्यले यस गुरुयोजनाको अवधारणा अघि सारीएको छ ।
